My Very First {official} Voice Record

ខែ​មេសា 3, 2013 at 11:47 ព្រឹក បញ្ចេញមតិ

«លោក​ទៀ បាញ់ រដ្ឋ​មន្ត្រី​ការពារ​ជាតិ​កម្ពុជា​​មាន​ប្រសាសន៍​ថា​ ការ​បាញ់​គ្រាប់ពិត​ប្រភេទ​កាំភ្លើង​ធំ​ប្រតិកម្ម​រហ័សB21 នៅ​ខេត្ត​កំពង់​ស្ពឺ​កាល​ពី​ព្រឹក​ថ្ងៃ​ទី​២​មេសា​កន្លង​ទៅ មិន​មែន​ជា​ការ​បង្ហាញ​សាច់​ដុំ​ទេ»

ស្ដាប់​សំឡេង

លោក​ទៀ បាញ់ ថ្លែង​កាល​ពី​ម្សិលមិញ​ថា ការ​បាញ់​គ្រាប់​ពិត​ប្រភេទ​កាំភ្លើង​ធំ​ប្រតិកម្ម​រហ័ស​ប្រភេទBM21 និង​កាំភ្លើង​ធំ​ធុន​១៣០មិល្លីម៉ែត្រ​របស់​កង​យោធពល​ខេមរភូមិន្ទ​ បាន​បង្ហាញ​តាម​ប្រព័ន្ធ​កុំព្យូទ័រ​ថា​បាន​បាញ់​ចំ​គោលដៅ​ល្អ​១០០​ភាគរយ។ ការ​បាញ់​សាក​ល្បង​នេះ​គឺជាការ​ហ្វឹកហ្វឺន​ពង្រឹង​សមត្ថភាពនិង​គុណភាព​ពេល​ប្រតិបត្តិ​របស់​កង​ទ័ព​ មិន​មែន​ជា​ការ​បង្ហាញ​សាច់​ដុំ​ទេ។

បន្ទាប់​ពី​ពិធី​បាញ់​សាកល្បង​កាំភ្លើង​ធំ​ប្រតិកម្ម​រហ័ស​ធុនBM21 និង​កាំភ្លើង​ធំ​ធុន​១៣០​មិល្លីម៉ែត្រ​នៅ​តំបន់​ភ្នំ​ម្រះ​ព្រៅ ស្ថិត​នៅ​ក្នុង​ស្រុក​ភ្នំ​ស្រួច​ខេត្ត​កំពង់ស្ពឺ​នា​ព្រឹក​ថ្ងៃ​ទី​២​មេសា​ឆ្នាំ​២០១៣​កន្លង​ទៅ​នេះ លោក​រដ្ឋ​មន្ត្រី​ការពារ​ជាតិ​បាន​ថ្លែង​ទៅ​កាន់​អ្នក​យក​ព័ត៌មាន​ថា ការ​បាញ់​សាក​ល្បង​នេះ​ធ្វើ​ឡើង​ដើម្បី​វាស់​ស្ទង់​កម្រិត​សមត្ថភាព​ និង​បច្ចេកទេស​ប្រើ​ប្រាស់​បច្ចេកវិទ្យា​របស់​កង​ទ័ព​ក្នុង​ការ​អនុវត្ត​ជាក់​ស្ដែង។ ការ​បាញ់​គ្រាប់​ពិត​នេះ​បាន​បង្ហាញ​តាម​ប្រព័ន្ធ​កុំព្យូទ័រ​ថា​បាន​បាញ់​ចំ​គោលដៅ​ល្អ​១០០ភាគ​រយ ទាំងBM21និង​កាំភ្លើង​ធុន​១៣០​មិល្លីម៉ែត្រ។ ហេតុ​នេះ ប្រសិន​បើ​មាន​ហេតុការណ៍​កើត​ឡើង អាវុធ​គាំទ្រ​ដែល​មាន​នឹង​អាច​ឆ្លើយ​តប​ទៅ​នឹង​តម្រូវ​ការ​ប្រើ​ប្រាស់​បាន​យ៉ាង​ពេញ​លេញ។

លោក​ទៀ បាញ់​បាន​គូស​បញ្ជាក់​បន្ថែម​ទៀត​ថា ការ​បាញ់​សាក​ល្បង​គ្រាប់​ពិត​នេះ​គឺ​មិន​មាន​ជាប់​ពាក់ព័ន្ធ​នឹង​ការ​បក​ស្រាយ​សាលក្រម​តុលាការ​ទីក្រុង​ឡាអេ​ទេ។ ហេតុផល​បក​ស្រាយ​របស់​តុលាការ​ជា​រឿង​តុលាការ ចំណែក​ការ​បាញ់​សាកល្បង​នេះ​សរ​បញ្ជាក់​ពី​បច្ចេកវិទ្យា​និង​អានុភាព​របស់​អាវុធ​ដែល​ទើប​បំពាក់​ថ្មី។ ការ​ហ្វឹកហ្វឺន​មេរៀន​ចប់ វា​តែង​តែ​តាម​ដោយ​ការ​សាកល្បង​អនុវត្ត​ជាក់​ស្ដែង​។ ហេតុ​នេះ ការ​លើក​ឡើង​ថា​ការ​បាញ់​គ្រាប់​ពិត​នេះ​ជា​ការ​បង្ហាញ​សាច់​ដុំ​នោះ​វា​មិន​ត្រឹម​ត្រូវ​ទេ ប៉ុន្តែ​នេះ​ជា​ការ​ពិនិត្យ​ប្រសិទ្ធភាព​នៃ​ការ​ការពារ​អធិបតេយ្យ​បូរណភាព​ទឹក​ដី។

ដើម្បី​បញ្ជាក់​ពី​ភាព​រឹង​មាំ​ក្នុង​ពេល​ដែល​មាន​អាសនុ្ន​អន់​ក្រ​កើត​ឡើង​ចំពោះ​មាតុភូមិ​ ការ​បាញ់​សាក​ល្បង​នេះ​ត្រូវ​តែ​ធ្វើ​ឡើង បើ​ទោះ​ជា​ការ​ចំណាយ​មាន​លក្ខណៈ​ខ្ពស់​ក្ដី។ នេះ​បើ​តាម​ការ​បញ្ជាក់​របស់​លោក​ឧបនាយក​រដ្ឋមន្ត្រី​ទៀ បាញ់។

គួរ​រំលឹក​ផង​ដែរ​ថា ក្នុង​អំឡុង​ខែ​មេសា​ឆ្នាំ​២០១០​កន្លង​ទៅ កង​យោធពល​ខេមរភូមិន្ទ​ធ្លាប់​បាន​ធ្វើ​លំហាត់​បាញ់​គ្រាប់​ពិតBM21 ជា​ទ្រង់ទ្រាយ​ធំ​នៅ​ខេត្ត​កំពង់​ឆ្នាំង​ម្ដង​រួច​មក​ហើយ៕

Advertisements

Entry filed under: ខ្ញុំ​គឺ​អញ្ចឹង!, ពី​កម្ពុជា, ព័ត៌មាន, RFI.

“April” please be good to me xD Another Successful Task of Today xD

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

Trackback this post  |  Subscribe to the comments via RSS Feed


ការបន្ទាន់សម័យ Twitter

Instagram

ខែ​មេសា 2013
អា ព្រ សុ
« មីនា   ឧសភា »
 123456
78910111213
14151617181920
21222324252627
282930  

បណ្ណសារ


%d bloggers like this: