បណ្ណសារចំណាត់ក្រុម៖ ពីកម្ពុជា
កង្វះឯកភាពនៃការប្រើប្រាស់ទង់ជាតិខ្មែរ
នៅលើឆាកអន្តរជាតិ ទង់ជាតិគឺជាអត្តសញ្ញាណរបស់ជាតិ។ មាត្រា៦នៅក្នុងរដ្ឋធម្មនុញ្ញនៃព្រះរាជាណាចក្រកម្ពុជាចែងថា ទង់ជាតិ ភ្លេងជាតិ និងសញ្ញាណជាតិ មានកំណត់នៅក្នុងឧបសម្ព័ន្ធ១, ២, និង៣។ ការលើកឡើងដ៏តិចតួចនៅក្នុងមាត្រា៦ និងក្នុងឧបសម្ព័ន្ធទី១ គឺជាមួលហេតុមួយដែលជម្រុញឱ្យមានភាពមិនច្បាស់លាស់ក្នុងការប្រើប្រាស់ទង់ជាតិខ្មែរ។
ដូចដែលប្រិយមិត្តធ្លាប់ជ្រាបស្រាប់ថា ទង់ជាតិនៃព្រះរាជាណាចក្រកម្ពុជាមានរាងចតុកោណកែង ដោយពុះចែកទទឹងជាបីប្រឡោះ។ ប្រឡោះខាងលើនិងខាងក្រោមមានពណ៌ខៀវចាស់ អមប្រឡោះកណ្ដាលដែលមានពណ៌ក្រហមស្រស់ និងមានរូបប្រាសាទអង្គរវត្តពណ៌សនៅចំផ្ទៃកណ្ដាល។ អត្ថន័យនៃទង់ជាតិខ្មែរមានន័យដូចគ្នាទៅនឹងបាវចនាជាតិគឺ «ជាតិ សាសនា ព្រះមហាក្សត្រ» ដែលក្នុងនោះ៖
- ពណ៌ស តំណាងឱ្យ សាសនា សន្តិភាព
- ពណ៌ក្រហម តំណាងឱ្យ ជាតិ គឺទឹកដី និងប្រជាជន
- ពណ៌ខៀវ តំណាងឱ្យ ព្រះមហាក្សត្រ និងព្រះអគ្គមហេសី។
ទោះបីជាមានការបង្ហាញពីភិនភាគ និងអត្ថន័យនៃទង់ជាតិខ្មែរយ៉ាងនេះក្ដី ក៏យើងសង្កេតឃើញថាការប្រើប្រាស់ទង់ជាតិខ្មែរសព្វថ្ងៃនៅមិនទាន់មានឯកភាពគ្នានៅឡើយ ជាពិសេសការប្រើប្រាស់ទង់ជាតិខ្មែរនៅលើប្រព័ន្ធអ៊ីនធឺណែត។ [...]
Like this:
Mummy’s on Dap-News
Like this:
វគ្គ “ចូលឆ្នាំនៅរតនគិរី”
ដល់វគ្គរអ៊ូហើយ! ^^* ទៅដើរលេងឆ្នាំនេះសប្បាយ តែក៏ហត់ណា៎! អង្គុយក្នុងឡាន ធុញក៏ធុញ ចុករោយខ្នងចង្កេះ ហើយពេលខ្លះដែលដល់កម្មវិធីទេស ម៉ាក់ក៏ទេសតាមផ្លូវឱ្យស្ដាប់រហូត! 
អូខេ! ចូលសាច់រឿងវិញ! …រតនគិរី ជាខេត្តដែលឆ្ងាយគ្រាន់ដែរ! ជាង៥០០ Km ពីទីក្រុងភ្នំពេញ។ ចេញពីភ្នំពេញទៅក្រោយពេលទេវតាចុះ រួចក៏ទៅបាយថ្ងៃត្រង់នៅកំពង់ចាម ហើយក៏បន្តទៅសំចតនៅផ្ទះលោកតា (ខាងប៉ា) នៅក្រចេះប្រហែលជាម៉ោង ២ កន្លះល្ងាច។
ក្រចេះ ក្រុង
ហើយ នេះ ជា ផ្ទះ លោកតា
ផ្លូវពីក្រចេះទៅស្ទឹងត្រែងចាក់កៅស៊ូស្អាតហើយ តែផុតពីស្ទឹងត្រែងទៅ ផ្លូវឈូសស្អាតហើយ តែនៅជាដីក្រហមនៅឡើយ។ ផ្លូវស្ងាត់ មានដើមឈើ (មិនសូវធំ) ឈរតាមផ្លូវហូរហែ តែឈើនៅក្នុងៗគេកាប់អស់ហើយ! មិនឃើញធ្វើស្រែ ធ្វើចម្ការអីទេអ្នកស្រុកតាមផ្លូវហ្នុង សង្ស័យតែកាប់ឈើលក់ដឹង!? រតនគិរីផ្ទុយគ្នាស្រឡះពីមណ្ឌលគិរី! ផ្លូវទៅមណ្ឌលគិរីស្អាត… ចាក់កៅស៊ូឡើងភ្លឹង តែផ្លូវទៅរតនគិរីនៅហុយដោយដីក្រហម។ ចំណែកទីរួមខេត្តមណ្ឌលគិរីមានតែម៉ាក្រវិច ហើយគគ្រិចព្រោះហុយ… រីឯទីរួមខេត្តរតនគិរីវិញ ធំគ្រាន់បើ ហើយក៏ស្អាតព្រោះចាក់កៅស៊ូរួចរាល់។
ចូល ដល់ ទី រម ខេត្ត
ប្រាប់នៅប្រកាស មណ្ឌលគិរី ម្ដងហើយថា ទៅដើរលេង កុំភ្លេចកក់បន្ទប់ទុកក្រែងអត់កន្លែងគេង។
ហាយក្លាស ដែល កម្រ រក បាន! 
ទៅលេងរតនគិរី… មិនបានទៅលេងច្រើនកន្លែងទេព្រោះប្រពន្ធមេប៉ានៅចាំនៅស្ទឹងត្រែងដើម្បីទៅលាវជាមួយគ្នា។ រតនគិរីសម្បូរទឹកជ្រោះ… កាចាញ កាទៀង ៧ជាន់ និងមានបឹងយក្សឡោមមួយ! រមនីយដ្ឋាននានានៅមិនឆ្ងាយប៉ុន្មានពីទីរួមខេត្តទេ។
ជណ្ដើរ ចុះ ទៅ បឹង យក្សឡោម
បឹងយក្សឡោមស្អាត… ទឹកស្អាត តែនៅលើគោកសុទ្ធតែសម្រាម!
ទឹក ស្អាត... ស្ងប់ 
នី & ណា
ឃើញសម្រាមអត់? គគ្រិចខ្លាំងណាស់!
មើល គេ ឱប អូនណ៎! (>.<) ហាហាហា
Coca Presenters!
ទៅលេងទឹកធ្លាក់នៅរតនគិរី… កន្លែងណាក៏ដោយក៏គួរមានបាយទៅជាមួយណា៎ ព្រោះថាមិនទាន់មានកន្លែងលក់អីញ៉ាំស្រួលបួលដូចនៅមណ្ឌលគិរីនៅឡើយ។ តែបើមិនចង់ខ្ចប់បាយទៅក៏បានព្រោះដូចប្រាប់អ៊ីចឹងថារមនីយដ្ឋាននៅជិតទីរួមខេត្ត។ ទៅលេងហើយអាចបកមកញ៉ាំបាយនៅទីរួមខេត្តក៏បាន!
ទឹក ធ្លាក់ កាចាញ
ចេញពីរតនគិរីម៉ោងប្រហែល១២ថ្ងៃត្រង់ មកដល់ស្ទឹងត្រែងម៉ោង ៣កន្លះល្ងាច! ចប់ហើយ ដំណើរកម្សាន្តមួយយប់នៅរតនគិរី.. ចាំទៅលេងស្ទឹងត្រែងនៅប្រកាសក្រោយណា៎!
____________
អានផងដែរ៖ ខេត្តរតនគិរី
ទេសចរកើនឡើងនៅរតនគិរីក្នុងឱកាសបុណ្យចូលឆ្នាំខ្មែរ
Like this:
មណ្ឌលគិរីទ្រីប
មណ្ឌលគិរីជាខេត្តមួយដែលស្ថិតនៅចម្ងាយប្រមាណជាង ៥០០គីឡូម៉ែត្រពីទីក្រុងភ្នំពេញ។ ការធ្វើដំណើរទៅក៏មិនជាពិបាកអីដែរព្រោះផ្លូវកំពុងសាងសង់រួចរាល់បានប្រមាណជា ៩០ភាគរយទៅហើយ។ ទេសភាពតាមផ្លូវស្អាតដោយកន្លែង… បើប្រៀបនឹងទេសភាពតាមផ្លូវទៅកោះកុងវិញ ចាញ់ដាច់ ហេហេ!
ទីរួមខេត្តមណ្ឌលគិរីក៏មិនស្អាតប៉ុន្មានដែរ… ដីហុយច្រើនព្រោះផ្លូវនៅធ្វើមិនទាន់រួចស្រេចនៅឡើយ! ជីវភាពប្រជាជនក៏ធម្មតាៗ (គ្មានអ្វីគួរកត់សម្គាល់! ^^ ) រឿងដែលគួរកត់សម្គាល់នោះគឺថា មណ្ឌលគិរីមានសាលាតិចបំផុត។ …ចេញពីស្នួលទៅរហូតដល់ទីរួមខេត្តមណ្ឌលគិរី ខ្ញុំប្រទះសាលាមិនប៉ុន្មានខ្នងទេ។ ចុះក្មេងៗដែលនៅតាមភូមិឆ្ងាយៗនឹងទៅរៀនឯណាណ៎?
មណ្ឌលគិរីជាខេត្តដីក្រហម… ដាំអីមិនបានទេព្រោះវាគ្មានជីវជាតិ ហើយក៏សម្បូរគ្រួសទៀត! អ្នកនៅទីនោះភាគច្រើនដាំដំឡូងមី ស្វាយចន្ទី និងមានដាំកៅស៊ូដូចនៅកំពង់ចាមដែរ។ ដំណាំកៅស៊ូក៏មិនឃើញមានច្រើនប៉ុន្មានទេព្រោះដំណាំនេះជាដំណាំអ្នកមាន ចំណែកជីវភាពប្រជាជនខេត្តមណ្ឌលគិរីមិនសូវធូរធាអីណាស់ណាឡើយ…
អាកាសធាតុនៅមណ្ឌលគិរីស្រស់ថ្លាគួរសម… ព្រឹកព្រលឹមត្រជាក់ខ្លាំង ប៉ុន្តែពេលយប់ត្រជាក់ខ្លាំងជាងពេលព្រឹកទៅទៀត! អ្វីដែលពិសេសនោះណា៎ មេឃនៅមណ្ឌលគិរីសម្បូរផ្កាយ ហើយផ្កាយធំៗទៀតផង!
មណ្ឌលគិរីមានកន្លែងលេងច្រើនគួរសម… អ្នកណាចង់ទៅលេងក៏ទៅបានណា៎ ប៉ុន្តែរឿងដែលចាំបាច់ត្រូវធ្វើមុននឹងទៅនោះគឺកុំភ្លេចខលកក់សណ្ឋាគារមុនផង… ប្រយ័ត្នអត់កន្លែងគេង ឡ៎! 
Note: តម្លៃសេវាអ៊ីនធឺណែតនៅមណ្ឌលគិរីគឺ ៣ដុល្លារក្នុងមួយម៉ោង (អារកហុតឈាមយកតែម្ដង! ហេហេ)។ …អាចប្រើតាម Mfone បានដែរ.. ងាយស្រួល (សម្រាប់ខ្ញុំ )
ទីរួម ខេត្ត មណ្ឌលគិរី
រូបថត គ្រួសារ! បាត់ នី ហ៎? នី ជា ជាង ថត នោះ អី!?
ទឹកជ្រោះ ប៊ូស្រា
ប៊ូស្រា...
នារី ជនជាតិ ហេហេ
នីនី! Cool as always!
នី n ណា
សមុទ្រឈើ
នៅ សមុទ្រ ឈើ! មុខ ដូច ឈើ មែន ៗ ហាហាហា
