វាល្មមហើយដែលខ្ញុំទុកសក់ឱ្យវានៅពណ៌ខ្មៅនោះ!! សុភាពៗបែបនេះច្រើនតែត្រូវគេធ្វើបាប! 
ខ្ញុំប្ដូរពណ៌សក់ហើយបងប្អូន តែកុំសួរថាពណ៌អីព្រោះខ្ញុំក៏ឆ្លើយមិនត្រូវដូចគ្នា! 
ម៉ាក់ឡើងហួសចិត្តពេលឃើញកូនគាត់ទៅជាបែបហ្នឹង lolz
“ ណា! នី! ចុះមកក្រោមមើល៍! ទៅលាបសក់លាបអី! ចុះមក៍ក្រោមទាំងពីរមក៍!” ម៉ាក់ស្រែកហៅក្រោយអាហារពេលល្ងាចដែលខ្ញុំទាំងពីរមិនបានទៅចូលរួម
“ ចាស៎ៗ!”
“ ប្រាប់ហើយថាកុំឱ្យលាប! វាខូចសក់! …ទុកឱ្យនៅពណ៌ខ្មៅចឹងទៅ វាសុភាព, វាស្អាត…” ម៉ាក់ច្រៀងមិនដកមាត់រហូតធ្វើឱ្យខ្ញុំ និងនីស្ពឹក ហើយក៏ធ្វើឱ្យមាត់ខ្ញុំទ្រាំមិនតមិនបាន 
“ ពុទ្ធោម៉ាក់! មិនឱ្យលាបមិនបានទេ! ម៉ាក់ហើយនឹងប៉ាទៅផ្សារម្ដងៗទិញសុទ្ធតែសាប៊ូរក្សាពណ៌សក់កុំឱ្យហើរពណ៌.. អ៊ីចឹងហើយខ្ញុំក៏ត្រូវសម្រេចចិត្តលាបពណ៌សក់តាមព្រោះខ្លាចអត់មាននរណាជួយប្រើសាប៊ូម៉ាក់ហ្នឹងណា៎!”
ហើយចុងបញ្ចប់នៃសាច់រឿង ខ្ញុំប៊ិះនឹងបានស៊ីម៉ាក្រញ៉.. ចេះប្រើក្បាច់សម្រាលខ្លួនគេចពីក្រញ៉ពិឃាត កុំអីបានហើមក្បាលហើយ! lolz
ចំណាន បាននិយាយ,
ខែ តុលា 19, 2009 ម៉ោង 1:51 ល្ងាច
ង៉ាហា!!
បូរាណ បាននិយាយ,
ខែ តុលា 19, 2009 ម៉ោង 4:08 ល្ងាច
ណាnew styleហ្នឹង?? ម៉េចក៏មិនឃើញ?
សាយ័ន្ត បាននិយាយ,
ខែ តុលា 19, 2009 ម៉ោង 4:11 ល្ងាច
ថតរូបចែកចាយអ្នកភូមិមើលផង! ហេហេ
រចនា បាននិយាយ,
ខែ តុលា 20, 2009 ម៉ោង 9:46 ព្រឹក
ចង់ដាក់ឱ្យបងៗមើលដែរ តែរូបហ្នឹងថតពេលពាក់ខោអាវដេក…
ខ្លាចប៉ាបើកមើលហើយបន្ទោសដូចប្រកាសមុនទៀត! ^^
អគ្គលីបុត្រ បាននិយាយ,
ខែ តុលា 20, 2009 ម៉ោង 12:53 ល្ងាច
ថតត្រឹម ក ទៅ!
ចែកគ្នាមើលទៅមានទៅខាតអី!
denith បាននិយាយ,
ខែ តុលា 20, 2009 ម៉ោង 4:13 ល្ងាច
មើល, ជួយបង្រៀនក្បាច់នឹងតិចមើល ។ ចង់សាកប្រើក្បាច់នឹងដែរ ។
សេរីបណ្ឌិត បាននិយាយ,
ខែ តុលា 20, 2009 ម៉ោង 10:18 ល្ងាច
អីយ៉ា ! ឥឡូវសុទ្ធតែលាបព័ណ៌សក់ទៀត, ខ្លាចតែចំណាំមិនបានទេ
……………………!!!!???
អញ្ចឹងបានចប់ហើយ, គេស្គាល់ខ្ញុំ, ខ្ញុំអត់ស្គាល់គេ
(ហេតុតែគេអាងថាមានអ្នកយកការណ៍នៅថ្នាក់ខ្ញុំ…. )
អេ៎ ! សួរមួយសិន……
អត់ចូលរួមអាហារពេលល្ងាចជាមួយពួកគាត់ដោយសារតែខ្លាចគាត់បន្ទោសឬអី ?
ចង់ដឹងណាស់ថាលាបសក់ព័ណ៌អី ?
លាបព័ណ៌សក់រួចមុខនៅដូចមនុស្ស ឬដូចអី ?
ហើយក្បាច់សម្រាលខ្លួនហ្នឹង ហាត់នៅណាដែរ ? អឺម៉ី ? ស្មូម ? ល្បុក្កតោ ? ….. ?
អតីត បាននិយាយ,
ខែ តុលា 29, 2009 ម៉ោង 1:30 ល្ងាច
ចូលចិត្តធ្វើខ្លួនគួរឲ្យស្អប់ដល់ហើយ? មិនសុភាពសោះ!!
សេរីបណ្ឌិត បាននិយាយ,
ខែ តុលា 29, 2009 ម៉ោង 3:27 ល្ងាច
ជួបថ្ងៃមុនមើលលែងចង់ស្គាល់, ប្លែកពេក….
រចនា បាននិយាយ,
ខែ តុលា 30, 2009 ម៉ោង 10:01 ព្រឹក
ជួបខ្ញុំ ឬឃើញខ្ញុំ?
នៅសាលាហ៎?
សេរីបណ្ឌិត បាននិយាយ,
ខែ តុលា 31, 2009 ម៉ោង 12:29 ព្រឹក
បើមនុស្សនៅទល់មុខគ្នាទៅហើយចាត់ទុកថាត្រឹមតែឃើញ ក៏ស្រេចតែចិត្តទៅចុះ
ឃើញលើកណាក៏រវល់ដែរ, បើមិនស្ដាប់ចម្រៀងតាមទូរស័ព្ទទេ ក៏និយាយទូរស័ព្ទ ឬក៏ប្រញាប់ចូលរៀនដែរ ។ ឃើញរវល់អញ្ចឹង មិនចង់រំខាន ។
ថ្ងៃមិញ, ចេញពីបន្ទប់ C35 ដើរបណ្ដើរ និយាយទូរស័ព្ទបណ្ដើរ