អ្វីទៅជាមិត្ត? ខ្ញុំមិនយល់… ហើយខ្ញុំនៅតែស្វែងរកចម្លើយសម្រាប់សំណួរមួយនេះរហូតមក! វាអាចមកពីខ្ញុំមិនដឹងថាមិត្តជាអ្វីទើបរហូតមកដល់ពេលនេះខ្ញុំគ្មានមិត្ត.. ប៉ុន្តែ.. ជីវិតមនុស្សមិនមែនជួបតែរឿងដដែលរហូតឯណា? ហើយខ្ញុំក៏មិនប្រាកដថានៅតែល្ងង់ចំពោះពាក្យមិត្តរហូតដូចគ្នា។
សម្រាប់ថ្ងៃនេះ… ខ្ញុំនឹងចងចាំវាទុក! ជាថ្ងៃដែលពិសេសដែលធ្វើឱ្យខ្ញុំយល់កាន់តែច្បាស់ថា ពាក្យមិត្តវាមិនមែនមានន័យរាក់កំផែលដូចដែលគេឱ្យតម្លៃនោះទេ… រុណ, ឧត្តម… ថ្ងៃនេះជាថ្ងៃដែលខ្ញុំសប្បាយចិត្តបំផុត.. អរគុណអ្នកទាំងពីរ!! បើទោះជាថ្ងៃនេះខ្ញុំត្រូវស្រក់ទឹកភ្នែក តែវាក៏ជាទឹកភ្នែកនៃសុភមង្គល…
ខ្ញុំធ្លាប់ស្រឡាញ់ភ្លៀង… ហើយមកដល់ថ្ងៃនេះ ខ្ញុំកាន់តែស្រឡាញ់ភ្លៀង ព្រោះវាជាថ្ងៃដែលយើងទាំងបីឈរក្រោមភ្លៀងជាមួយគ្នា សើចក្រោមភ្លៀងជាមួយគ្នា ហើយក៏យំក្រោមភ្លៀងជាមួយគ្នា!
យើងសន្យានឹងគ្នាហើយមែនទេថានឹងចងចាំថ្ងៃនេះ ហើយក៏រក្សាវាជាការណ៍សម្ងាត់តទៅ.. សន្យា..
ម៉ន បាននិយាយ,
ខែ តុលា 19, 2009 ម៉ោង 12:31 ល្ងាច
គេថាមិត្តមានពីរយ៉ាង ។ ចំពោះខ្ញុំ “ មិត្ត” គ្រាន់តែជានាម “ សន្យា” ក៏គ្រាន់តែជាពាក្យ ។ ខ្ញុំបានឈប់រកហេតុផល អំពីពាក្យទាំងពីរនេះយូរណាស់ហើយ ។ ពេលវេលាមិននៅនឹងទេ ដូច្នេះអ្វីៗក៏អាចប្ដូរផ្លាស់ដែរ ។ ខ្ញុំបានប្រាប់ខ្លួនឯងថា បើសិនជាគ្មានអ្នកណាម្នាក់មកធ្វើជាមិត្ត ក៏ខ្ញុំអាចរស់បានដែរ ។
គេថា “ ជីវិត គឺជាការតសូ” គេនិយាយមិនខុសទេ ។
រដ្ឋ បាននិយាយ,
ខែ តុលា 19, 2009 ម៉ោង 6:59 ល្ងាច
ក៏ពុំចាំបាច់ស្វែងរកឲ្យដាច់សង្វែងដែរ ព្រោះមិត្តនឹងមកដល់ ។
denith បាននិយាយ,
ខែ តុលា 20, 2009 ម៉ោង 4:10 ល្ងាច
I agree with Rath…
They will arrive, the question is “ Will you accept them?”
support បាននិយាយ,
ខែ តុលា 21, 2009 ម៉ោង 11:31 ល្ងាច
Right Morn i totally agree with your thoughts!