លោកនាយករដ្ឋមន្រ្តី ហ៊ុន សែន បានមានប្រសាសន៍ឲ្យដឹងនៅថ្ងៃនេះថា លោកនៅសល់រយៈពេល១២ថ្ងៃទៀតតែប៉ុណ្ណោះ ក្នុងការបង្ហាញខ្លួននិងធ្វើសុន្ទរកថាតាមទីសាធារណៈ ។
លោកនាយករដ្ឋមន្ត្រីបានមានប្រសាសន៍បញ្ជាក់យ៉ាងនេះ ក្នុងពិធីសម្ពោធនិងបញ្ចុះខណ្ឌសីមាព្រះវិហារ វត្តបាគង ក្នុងស្រុកកំពង់ស្វាយ ខេត្តកំពង់ធំ នាព្រឹកថ្ងៃទី១១ ខែមិថុនា ដោយបញ្ជាក់ទៀតថា លោកនឹងមិនចូលរួមធ្វើយុទ្ធនាការឃោសនាបោះឆ្នោតនោះឡើយ ។
លោកនាយករដ្ឋមន្ត្រី ហ៊ុន សែន មានប្រសាសន៍ដូច្នេះថា ៖ «អវត្តមាន របស់ខ្ញុំព្រះករុណាខ្ញុំ គឺនឹងចាប់ផ្ដើមនៅប្រហែលជាថ្ងៃ ២៣ (មិថុនា) គឺបន្ទាប់ពីការសម្ពោធសមិទ្ធផលនៅខេត្តពោធិ៍សាត់ហើយនោះ ខ្ញុំព្រះករុណាខ្ញុំនឹងមិនបាននិយាយសុន្ទរកថាដូចសព្វថ្ងៃទៀតទេ ដោយសារខ្ញុំមិនមិនធ្វើយុទ្ធនាការឃោសនាបោះឆ្នោតទេ សូម្បីតែពិធីលែងកូនត្រីនៅឆ្នាំនេះ គេហៅថា ទិវាមច្ឆាជាតិ ក៏ខ្ញុំមិនចូលរួមដែរ ដើម្បីជៀសវាងការធ្វើសេចក្ដីថ្លែងការណ៍មួយដែលគេវាយប្រហារ ឥឡូវនេះ វាយប្រហារច្រើនណាស់ទៅហើយ ។ អ៊ីចឹង សភាពការណ៍កាន់តែជិតដល់ ការវាយប្រហារនិងភាពពិសពុលរបស់ពួកអគតិនឹងកាន់តែធ្ងន់ធ្ងរ» ។
លោក ហ៊ុន សែន ដែលឈរឈ្មោះជាបេក្ខជនតំណាងរាស្ត្រម្នាក់របស់គណបក្សប្រជាជនកម្ពុជា មិនបានមានប្រសាសន៍បង្ហាញថា តើបន្ទាប់ពីថ្ងៃទី២៣ មិថុនានោះទៅ លោកនឹងជាប់រវល់ធ្វើសកម្មភាពអ្វីជាឯកជននោះទេ ។
អតីតនាយិកាមជ្ឈមណ្ឌលអភិវឌ្ឍន៍សង្គម លោកស្រី ជា វណ្ណាត ដែលជាអ្នកវិភាគឯករាជ្យ បានមានប្រសាសន៍ថា ការប្រកាសឈប់បង្ហាញខ្លួន និងធ្វើសុន្ទរកថា តាមទីសាធារណៈរបស់លោកនាយករដ្ឋមន្រ្តី ត្រូវគេមើលឃើញថា បានក្លាយជាទម្លាប់ទៅហើយ នៅមុនការដែលកម្ពុជា តែងរៀបចំការបោះឆ្នោតជ្រើសរើសមេដឹកនាំរដ្ឋាភិបាលថ្មីនេះ ។
សូមបញ្ជាក់ផងដែរថា យុទ្ធនាការឃោសនាសម្រាប់ការបោះឆ្នោតតំណាងរាស្រ្ដអាណត្តិទី៤ គឺនឹងប្រព្រឹត្តទៅ នៅថ្ងៃទី២៦ ខែមិថុនា ហើយនឹងបញ្ចប់ទៅវិញនៅថ្ងៃទី២៥ ខែកក្កដា ឆ្នាំ២០០៨ ខាងមុខនេះ ៕
ដោយ៖ មុំ សុផុន (RFA)
រចនា បាននិយាយ,
ខែ មិថុនា 11, 2008 ម៉ោង 1:53 ល្ងាច
ចាំបាច់ឃោសនាអីទៀតអ៊ំ, បើទៅដល់ណាឃោសនានៅហ្នឹងហើយហ្នឹង!!! sic!
»ខ្ចី style បងសុភ័ក្ត្រប្រើសិន ទាន់គាត់មិននៅ!!!
សុភ័ក្ត្រ បាននិយាយ,
ខែ មិថុនា 12, 2008 ម៉ោង 12:57 ព្រឹក
ឯងរក៍ថាហើយ ថាមុនឯងបាច់! យីស!
“ អឺ! បើឃោសនាមុនគេមុនឯងឆ្អែតឆ្អន់ សឹងដាច់.. ហើយចាំបាច់មកឃោសអីទៀត! ទាល់ប្រែតបានជឿ”
រចនា បាននិយាយ,
ខែ មិថុនា 12, 2008 ម៉ោង 2:25 ព្រឹក
ទឹម បឿន បាននិយាយ,
ខែ មិថុនា 12, 2008 ម៉ោង 4:39 ព្រឹក
ទ្រាំៗទៅ!
រចនា បាននិយាយ,
ខែ មិថុនា 12, 2008 ម៉ោង 4:46 ព្រឹក
ទ្រាំៗទៅបងបឿនណ៎! ធ្វើម៉េចយើងវាតូច, គាត់វាធំ!
vandakimseok បាននិយាយ,
ខែ មិថុនា 13, 2008 ម៉ោង 1:51 ព្រឹក
ឃោសនា រកហ៍ អាលំបល់យហ៍អីទៀត
នរណាមិនស្គាល់បក្សហ៊ុនសែន? សុម្បីក្មេងមិនទាន់ចេះស្លៀកខោ ក៏វាស្គាល់ដែរ. បងៗកុំឆ្ងល់ តាទំនេរនឹងគាត់ទៅវ៉ៃហ្គោលហើយ,
តែអ្នកណាជាប់ក៏ខ្ញុំនៅតែធ្វើការរោងចក្រតាដែរ! បើមិនថ្វើការបានលុយឯណា
ទិញ ប៊ីយែរផឹក?
សុភ័ក្ត្រ បាននិយាយ,
ខែ មិថុនា 13, 2008 ម៉ោង 2:04 ព្រឹក
ម្នាក់នេះទៅប្លក់ណាក៏ឃើញតែផឹកៗរហូត សង្ស័យដុះមេហើយដឹង?!!
vandakimseok បាននិយាយ,
ខែ មិថុនា 13, 2008 ម៉ោង 4:14 ព្រឹក
ផឹកកាត់សាញហ្នឹង ល្បងភាក់អើយ, ម៉ាថ្ងៃធ្វើការ ១២ ទៅ ១៤ ម៉ោង ដូច្នេះបន្ទាប់ពីរវល់ហើយត្រូវផឹកដើម្បីកាត់ស្ត្រេសពីការងារ!
ផឹកភ្រីសោះហេតុអីទៅខ្វល់? លុយរោងចក្រចេញអោយផឹកម៉ាស្រលាញ់
អោយតែមានវិក័យប័ត្រ។ …..
បើបានដុះមេស្រួលបណ្តោយ យកមេទៅលក់ យកលុយផឹកទៀត
សុភ័ក្ត្រ បាននិយាយ,
ខែ មិថុនា 13, 2008 ម៉ោង 4:19 ព្រឹក
YAB
naraths បាននិយាយ,
ខែ មិថុនា 13, 2008 ម៉ោង 5:58 ព្រឹក
ហាហា! សមមុខ! មុខផឹកម៉ង… ញ៉ុមសាកេតឃើញដូចតាភាក់ដែរ…
vandakimseok បាននិយាយ,
ខែ មិថុនា 13, 2008 ម៉ោង 2:20 ល្ងាច
មិនហ៊ានប្រកួតជាមួយបងភាក់ទេ!
តែ Buyer មួយចំនួននៅអាមេរិកគេខ្លាចតែម៉្រង!
ផឹកដើម្បីការងារ មិនមែនផឹកដើមម្បីអូនទេ!
បើមានអោកាសចាំញ៉ុមប៉ាវកុំថាអីថាវ៉ាន់!
បណ្ឌិត បាននិយាយ,
ខែ មិថុនា 13, 2008 ម៉ោង 3:05 ល្ងាច
អ្នកចូលចិត្តផឹកនៅមានខ្ញុំម្នាក់ដែរតើ គ្រាន់តែមិនខ្លាំងអីទេ កាលបានទៅទៀត???
សុភ័ក្ត្រ បាននិយាយ,
ខែ មិថុនា 13, 2008 ម៉ោង 7:25 ល្ងាច
មេផឹកមោមួយទៀតហើយ
Boeun បាននិយាយ,
ខែ មិថុនា 14, 2008 ម៉ោង 3:41 ព្រឹក
ផឹកស្រវឹងកុំតែឡូឡាដាក់អ្នកជិតខាង ផឹកចុះ!
vandakimseok បាននិយាយ,
ខែ មិថុនា 14, 2008 ម៉ោង 5:52 ព្រឹក
នៅទីនេះគ្មានផ្ទះអ្នកជិតខាងផង, មានតែរោងចក្រដូចគ្នា!
chenda បាននិយាយ,
ខែ មិថុនា 14, 2008 ម៉ោង 6:46 ល្ងាច
គ្រាន់តែអានពតមានប៉ុណ្ណឹង នាំគ្នាផឹក អស់។ យ៉ាប់។
រចនា បាននិយាយ,
ខែ មិថុនា 14, 2008 ម៉ោង 8:27 ល្ងាច
ត្រូវហើយ! យ៉ាប់! ថ្ងៃក្រោយឈប់ឱ្យខ្ចីផ្ទះផឹកទៀតហើយ!